«= مصير الحي يتلاقى =»

[ندعوك للتسجيل في المنتدى أو التعريف بنفسك لمعاينة هذا الرابط]

مصير الحي يتلاقى ولو هي طالت الايــــــــــام
ولو طالت بنا الفرقى وغابت شمس امانينا

تمر ايـــــامنا واحـــلامنا تبكي على الاحــــــلام
تفارقنا كـــذا فجأة ، وكــــــنّا ما تلاقيــــــــنا

خطاوينا بلا ســــكّة ، وتتحرّى الفرح قـــــــدام
نمني نفســـــنا في يوم ، تتلاقى خطـــاوينا

يجي شهر بلا لقيا ، يجي شهر ويرحـــــل عام
يضحّكنا الزمن مــــرة ، ومــــــــرّات يبكينا

رسمنا في السما لوحة ، وعشنا داخل الاوهام
وضعنا في دروب العمر ، نسأل عن ليالينا

بسيطة يازمن..واللي على صوت الجروح ينام
يجي له يوم بالدنيا ، يعيش احلام ماضينا

أمل لـــكن بلا معنى ، وليل كلبـــوهـ آلالام
وحزن فيه كم عشنا ، وحزن عاش كم فينا

بوسط قلوبنا لوعه ، محت فرحة سنين قـــدّام
كرهنا الحب أو نحنا ، كرهنا ليـــــــه حبينا

على الله خـــــلّها لاتقلب اوجاعي تعبت هيــــام
أحس ان العمُر كلّه ، غدى بحــــر بلا مينا

(مصير الحي يتلاقى) عبـارة تعمـي العشـاق
بها العاشق يصدق لاغدى وسط الوهم غـارق

عبارة كذب ... أما الصدق : أصلاً هالحياة فراق
إذا : أفضل كذا نكتب : (مصير الحـي يتفـارق)

تعب كـل الحيـاة .. وكلهـا هـمٍّ ولا تنطـاق
ودايم في سما نفـس المتيـم حزنهـا شـارق

تسابقنا ظروف الوقت لوصال الحبيـب سبـاق
وتسبقنا على وصله وترسـل للفـرح سـارق

وكم من عاشقٍ كان يترقـب للوصـال وتـاق
وصادم واقـعٍ أخفـى وميـضٍ للأمـل بـارق

حبيبي لا استحال الوصل كيف نترجم الأشواق؟!
زمان يتعـب التفكيـر لوكـان الذكـا خـارق

حبيبي كنت أبي أمدحك وأذكر وش كثر مشتـاق
ولكنـي شغلـت بـذم دنيًـا همهـا حــارق

لذلك قلت بالمبـدأ تـرى الدنيـا ألـم وفـراق
وترى أفضل كذا نكتب : (مصير الحي يتفـارق)